నా మొదటి పది తూటాలు...9) నిశ్శబ్ధం

నిశ్శబ్ధం

ఆలోచనా ప్రవాహాల దిగ్బంధం,

ఉచ్వాస నిశ్వాస క్షణాల స్తబ్దం,

పూర్వాశ్రమ కర్మఫల ప్రారబ్దం

ఈ నిశ్శబ్దం!

ప్రారంభానికి ముందు వుండే ఆరంభం,

బాహ్య యుద్దానికి ముందుండే అంతః రణరంగం,

బిన్నద్రువ మనస్తత్వాల రాపిడి లబ్దం,

ఈ నిశ్శబ్దం!

కంటినీరు గుండెను బరువెక్కించినప్పుడు కావాలనిపించేది,

కపటకౌగిలిలో ప్రేమకు వూపిరి ఆడనప్పుడు శ్వాసించాలనిపించేది,

ఆత్మీయత, అవసరం కోసం అవమానపరిచినప్పుడు ఏర్పడే అగాధం,

ఈ నిశ్శబ్దం!

ఆద్యంతములేని బ్రమ్మాండమును కబలించియున్నది,

పశ్చ్యాతాప చింతనావస్థలో శమంతకమై తారసపడేది,

(శ్యమంతకమని పదార్థ స్వభావాలు మార్చగలిగే గుణం కలిగినది)

సృష్టి కి పూర్వం, స్తితి తో పాటు, లయ తరువాత ఉండే ప్రణవం,

ఈ నిశ్శబ్దం!

జన్మించక ముందు, మరణించిన తరువాత వినబడే ఏకైక శబ్దం...

ఈ నిశ్శబ్దం!

రచన:  11-11-2013

ప్రవీణ్ తాడూరి – PRA“WIN” TADURI

చైర్మన్ –స్కూల్- బిబిసి హై- ఆక్స్ఫోర్డ్ ఇంగ్లీష్ ల్యాబ్ – నిజామాబాద్

Chairman - School – BBC HIGH- OXFOD ENGLISH LAB- Nizamabad

94404 76854